منتديات أحلى طلة
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتديات أحلى طلة

أحلى منتديات للإبداع والتميز
 
الرئيسيةأحدث الصورالتسجيلدخول

 

 لا تعتذر لي حبيبي خلني بجروحي اموت ولا تنحني لي /للكاتبة :آغلىـآ نآسي

اذهب الى الأسفل 
كاتب الموضوعرسالة
طايشه بس عايشه

طايشه بس عايشه


عدد المساهمات : 125
تاريخ التسجيل : 09/03/2011

لا تعتذر لي حبيبي خلني بجروحي اموت ولا تنحني لي /للكاتبة :آغلىـآ نآسي Empty
مُساهمةموضوع: لا تعتذر لي حبيبي خلني بجروحي اموت ولا تنحني لي /للكاتبة :آغلىـآ نآسي   لا تعتذر لي حبيبي خلني بجروحي اموت ولا تنحني لي /للكاتبة :آغلىـآ نآسي I_icon_minitimeالأحد أبريل 17, 2011 11:16 am

لآ تعتذر لي حبيبي خلني بجروحي أموت ولآ تنحني لي ..~

للكآتبه :/ آغلىآ نآسي ..~

***

هل فقدنا في دروبك ايتها الحياه ملامحنا؟
لماذا ودعنا انسانيتنا ورميناها خلفنا؟
لماذا تنكرنا لمن اسكناهم قلوبنا وسكنا قلوبهم بالرغم عنهم !
هل ستملى ملامحي الحزينه الابتسامه ويزورني الفرح؟
نغمض اعيننا ونصم اذاننا عن الكثير والكثير من التساولات بداخلنا ولا نعلم هل نحلها هكذا ام اصبح الهروب هو الحل الوحيد لنا ؟!

لربما مات الشِّعر مُحترقاً بين أصابعي ..
و شهر أيلول كل ما بقي في داخلي ..
خريفٌ طويل يحنّ إلى أيّ ربيعٍ عابر ..
لتتفتّح أزهار قلبي
و لكي لا أقوى على مسامحتك ..
بماذا تريدني أن أصف شهر أيلول المصفرّ ؟!
قد يكون جنين حلم ..
لا يستطيع أن يقتات من مشيمتي .. فيكبر!
و أعرف أنّي أحبك كقصيدة شعر ..
أو كصوت أغنيتي ..
أو ربما لأني أردت من العصافير يوماً أن تغنّي لحناً آخر ..
لحناً يطول حيناً ..
و يطول أبداً لكي أكون أنا و تكون أنت ..

لكنّ غناء المَلحميّين لم يعرف غير الجنائز ..
فصرت ألما يُحلّق فوق أضرحتي ..
و أنا أعاتب ذاك القلب عندما يتِمُ قصيدتي ..
و أهمل شِعري يلوّح عارياً فوق خشب تابوتي ..
فيكتب النهاية قبل البداية ..!

تذكّر يوماً من أيلول ..
و كل أيلول
كيف كنت الأولى في الرقص و في الصلاة أمامك
كـ أوراق الخريف ..!
و الآن أستحي و أنا عارية من ذاك الحُب ..
و يسألني شَعري عن أصابعك !!
فأسأل الوقت مغفرةً ..
علّي أودّع صورتك في صدري و ليل جسمي ..!
و الآن ..
أسأل القلب أن لا يعفو عن قلبك !!



عندما يدق الحب باب فتاة ارهقتها الحياه بمتاعبها وتفتح يديها له بفرح وتعانقه بفرح !!
ولكن تتحول فرحتها الى دموع واصوات ضحكتها الى انين عندما تنغرس اشواك ورود حبها بصدرها الذي تعب من حمله ؟!
عندما نستسلم لتلك الرغبات بداخلنا وتسيرنا شهواتنا ونصحو فقط على صوت الالم !
عندما تقف بوجه الظلم ولا يجد لك سوى ذنب !
ان من حولك ارادوا ذلك !
عندما تتعاهد انت وحبيبك انه لا يوجد سوى الموت يفرق بينكم !
وتجد ان هناك الاف الاسباب !
حينها تستسلم وتنسحب وتدع وعود حبك خلفك !
عندما تصحوا بالليل على اصوات الذئاب ولا يكون بيدك حل سوى الانتحاب خلف بابك !
عندما تعيش حلم وردي ترى ان الدنيا جميله ترى ان كل من حولك مثاليين !
وفجأه تصحوا على صوت ارتطام اقنعتهم بالارض !
حينها ستعلم انك لم تعش وان حياتك غلفها الكثير من الوهم الالم الظلم !

وتجد فرصك بالحياه اصبحت شبه معدومه !
كيف يكون حالك حينها؟؟


(( لآ تعتذر لي حبيبي خلني بجروحي أموت ولآ تنحني لي ))
اغلىآ ناسي


brb
الرجوع الى أعلى الصفحة اذهب الى الأسفل
طايشه بس عايشه

طايشه بس عايشه


عدد المساهمات : 125
تاريخ التسجيل : 09/03/2011

لا تعتذر لي حبيبي خلني بجروحي اموت ولا تنحني لي /للكاتبة :آغلىـآ نآسي Empty
مُساهمةموضوع: رد: لا تعتذر لي حبيبي خلني بجروحي اموت ولا تنحني لي /للكاتبة :آغلىـآ نآسي   لا تعتذر لي حبيبي خلني بجروحي اموت ولا تنحني لي /للكاتبة :آغلىـآ نآسي I_icon_minitimeالأحد أبريل 17, 2011 11:16 am

آلبارت الاول ..~
***


وأي غُربه ..؟!
انا ما مرّ ليل إلا أفكر به ..
أدوّر به ..
عن أشياء تشبة أحلامي ,
تخيل ..
تشبة أحلامي !
قسمني هـ الحزن نصفين واسأل ليه انا موجود بَ الثاني ..؟!
كثّيره / ياااخي أحزاني ..!!


***


في الدمام الساعه 8 الصباح ..~
كانت جالسه قدام البحر وتنتظر صديقتها فجر اللحين الساعه 8 وهي من 6 مفروض مخلصه لفت على صوت ضحك بيبي وهو يلعب مع امه و ابوه !
مسكت على بطنها وتجمعت الدموع بعيونها وهي تذكر كل شي
:يعني تبيعني؟
راشد:ريم حبيبي مو وقت هالكلام انتي لازم تنزلي الطفل
ريم برجاء:لا هذا ولدي ولدي
راشد وهو يشد ع راسه:ريم بكره بينزل غصب عنك وربي لو عاندتيني لاندمك
ريم:انت حقير حقير يا راشد
راشد:انتظرك بكره واللحين يلا عشان اهلك تاخرتي عليهم
ريم:حبيبي اليوم انا مشتاقه لك موووووووووووووووووووت
راشد:انا مو اليوم انا كل يوم
ريم:جد تحبني؟
راشد:ماذبحني الا اني احبك ريمو متى اشوفك؟ والله اشتقت لك
ريم:راشد لو تركتني بيوم راح اموت اموت
راشد:اترك نفسي ولا اتركك ريم انتي بنوتتي وحبيبتي وكل شي
ريم:اممممممم نفسي الف العالم معاك وماافارقك لو يوم
راشد:ريم مااقدر اعيش من دونك
ريم:آآآآآآآآه تعبانه
راشد:الحمدالله يا ريم خفت ما تصحي
ريم:انت حقير وسافل انت غلطتي بهالدنيا
راشد وهو يتأفف:خلاص يا ريم ما مليتي هذا اللي كان لازم يصير هو هذا والا كنتي تبين تموتين ؟ والا تتوقعي ان امك بتاخذك بالاحضان
ريم بقهر منه:ايه بتاخذني
راشد:الا عاد امك ياريم اللي تاخذك بالاحضان مادرت عنك ولا عن هوا دارك حامل بشهرين و مادرت لو درت
ريم بصراخ:انكتم
راشد:طيب انكتمت ممكن تقومي عشان اوصلك الساعه داخله على 12 اخاف امك تجي و الا تحس عليك
ريم ببكاء:تخاف علي؟
راشد بحنانه اللي تضعف قدامه دايم:و لاخر يوم بعمري وعمرك راح ابقى اخاف عليك سحبها لحضنه وهي صارت تبكي وتضمه بقوه
نزلت دموعها وصارت تشهق وهي تضم نفسها حست بيد على كتفها لفت وكانت فجر اللي من شافتها رفعت حواجبها مستغربه:وش فيك؟
سحبتها لعندها وضمتها وصارت تبكي بصوت عالي فجر بهدوء:بس يا ريم لو يريحك البكاء كان اول وحده قالت ابكي انا
ريم:تعبانه
فجر وهي تشد على يدها:ريمو وش صار؟
ريم بسخريه:امي تبي تزوجني لولد اختها
فجر بصدمه:وش جاء عليها؟
ريم:عمري 23 سنه كل اللي بعمري من بنات خالتي تزوجوا ليش اجلس انا؟ وش يقولون الناس عنا؟آآآآآآآآآآه يا فجر يوم احتجت لها ولخوفها مالقيتها ويوم صرت ابيها تنسى من اكون !
صارت تذكر اني بنتها
فجر:كل شي وله حل يا ريم
ريم بحسره:انا بمصيبه مصيبه أي حل؟لو بتنحل كان من ثلاث سنين انحلت
فجر وهي تلف جهة البحر وتردد:الله كريم يا ريم بس انتي لا تضعفي
ريم بقهر:لو ولدي عايش كان عمره ثلاث سنين بس هو حقير تافه وبدا صوتها يعلى
فجر:اششششششش ريم انتي غلطتي مثل ما غلط
ريم:هو خان حبي نكرني وانا صدقته وثقة فيه يا فجر ساعات من ابكي مو عشان قهري لا عشاني اشتقت له ورجعت تبكي
فجر:تعرفي يا ريم انك ما راح تتزوجي الا راشد احس بيوم بيرجع لك
ريم بحيره:يرجع لي بس انا ما ابيه الا ابيه لا لا انا اكره بس ما عندي خيار غيره تتخيلي ان اللي دمرني بيده حياتي انا ميته من تركني يا فجر ولا راح اقدر اعيش من بعده
فجر اكتفت انها تتم بالاستغفار وهي تناظر للبحر
ريم:ليه تاخرتي؟
فجر:لا بس اللي مفروض تستلم بدالي تاخرت وانا انتظرت لحد ما تجي
ريم:تعبانه؟
فجر بابتسامه:لا بالعكس انا انبسط من اكون معاهم
ريم:جد؟
فجر:ايه ريم تعالي معانا اشتغلي منها تضيعي وقت ومنها تعيشي وسط اطهر قلوب
ابتسمت ريم لها:مافي اطهر من قلبك يكفي اعيش معاه
فجر بخجل:مشكوره وشلون صديقتك اروى؟
ريم:طيبه راح تجي اليوم عندي وش رايك تجين؟
فجر:لا واللي يسلمك تعبانه بس ابي انااااااااااام
ريم:بايخه ما راح تروحي معاي السوق؟
فجر وهي تعدل لثمتها:لا المهم تطمنت عليك خل اروح اللحين ابي انام دوامي ليلي اليوم كمان
ريم:طيب انا شوي وماشيه
فجر:ريمو خليها على ربك بتفرج ان شا ءالله لا تفكري كثير ركبت فجر مع التاكسي اللي متعامله معاه ومتعوده يوديها اغلب مشاوريها
((ريم 23 سنه عايشه مع امها بخلافات دائما ابوها متوفي من زمان عندها سامي24 سنه وشذى 21 فيصل 15 سنه اخوانها ما تدرس وحياتها ما بين فجر واروى وذكرياتها مع راشد؟؟
سمراء وعيونها وساع شعرها اسود لنص الظهر جسمها مرسوم وطويله بشكل عام ينعطى لشكلها الملامح الهنديه))


((فجر 19 سنه يتيمة الاب و الام امها وابوها توفى وعمرها تسع سنوات ومدى ثمان سنوات بجريمة قتل كانوا الشهود الوحيدين عليها مدى وفجر لها اخت وحده مدى بس ما تعرف وينها اللحين !
حنونه وطيبه لابعد الحدود تشتغل بدار للايتام عشان تصرف على نفسها وخالها اللي هي عايشه معاه ومقضي كل وقته سفر وسكر !
جميله لابعد الحدود شعرها اسود واصل لنهاية ظهرها وهي تحب الشعر الطويل بيضاء ونحيفه حيييييييل طولها يميل وسط وهذا اللي يعطي شكلها طفوله بزياده عيونها وساع وعدساتها بنيه انفها طويله وحاده وشفايفها صغيره حيل))



***
brb
الرجوع الى أعلى الصفحة اذهب الى الأسفل
طايشه بس عايشه

طايشه بس عايشه


عدد المساهمات : 125
تاريخ التسجيل : 09/03/2011

لا تعتذر لي حبيبي خلني بجروحي اموت ولا تنحني لي /للكاتبة :آغلىـآ نآسي Empty
مُساهمةموضوع: رد: لا تعتذر لي حبيبي خلني بجروحي اموت ولا تنحني لي /للكاتبة :آغلىـآ نآسي   لا تعتذر لي حبيبي خلني بجروحي اموت ولا تنحني لي /للكاتبة :آغلىـآ نآسي I_icon_minitimeالأحد أبريل 17, 2011 11:17 am

***
ي صباح علم . .
قلب "اللي خذاني"
أني أختنق ق ق . .
. . . . . . . . . . . . . بشويش !
***
اروى اللي خلصت من محاضراتها وطلعت هي تتأفف دقت على اخوها خالد ع اساس يمرها اعطاها بيزي جلست وهي تتأفف وتتحطم
شوي ورجع يدق وبعصبيه:نعم وش تبين؟
اروى برواق:شوي علي ابيك تمرني و قفل في وجهها اروى:اوووووووف هين يا خويلد
دقت على ابوها وشوي رد عليها:هلا بالغاليه
اروى بدلع:ويني وين الغلا انا؟
ابو خالد:افا يابنتي انتي الغلا كله
اروى وشوي وتبكي:تخيل خالد اقله يجيني يقفل الخط بوجهي وانا مرميه هنا بالحر والرطوبه وكل شي مو حلو حتى صحباتي طلعوا
ابو خالد:افا دقائق ويجيك
اروى بفرح:ماانحرم منك يبه بعد جوعانه
ابو خالد:ههههههههههههههههه ولا يهمك يلا انا بقفل عشان يجيك اخوك بسرعه تأمري على شي
اروى:لا يالغالي
قفل ودق على خالد اللي جالس مع ولد عمه سعود وصديقه الروح بالروح
:هلا يبه
ابو خالد:وينك؟
خالد:مع سعود
ابو خالد:ماعندك دوام؟
خالد:لا اليوم مااخذ بريك
ابو خالد بعصبيه:يومك مااخذ بريك وما عندك شغل ليه تقفل في وجه اختك وراميها هناك لو صار لها شي انا ويش اسوي؟ والا تبيها تتطلب خلق الله يوصلونها اللحين تروح لها
خالد بقهر:على أمرك
ابو خالد:وخلها تأكل
خالد:أكلها مثلا؟
ابو خالد:يارب صبرك على هالخلفه وديها مطعم جيب لها شي تأكلها ويش فيك؟
خالد:طيب مع السلامه قفل وهو يتأفف
سعود:خير؟
خالد بعصبيه:هالغبيه داقه تشكيني لابوي ليش ما مريتها
سعود وهو يبتسم يا حبي لها هالدلوعه:وانت معصب
خالد:اقول قم وصلني لسيارتي خل اروح اجيبها
سعود غبي افوتها هالفرصه؟:لا يا شيخ نمر ناخذها ومن بعد نكمل يومنا
خالد:يلا
وصلوا لحد جامعتها ودق عليها اعطته بيزي خالد:لا ابي ادخل ادوس ببطنها ورجع عاد الاتصال وسط ضحكات سعود وتعليقاته عليه
ردت عليه:هلا
خالد:يا سخيفه انا برا اطلعي بسرعه وقفل في وجهها
اروى وجع كله يقفل في وجهي لبست بكل برود بعد ربع ساعه طلعت وظلت تدور
سعود اللي عينه على باب الخروج ومن شافها لف لخالد:انزل اكيد راح تدور على سيارتك
خالد نزل وراح لعندها وسحبها بكل هدوء وسط سبها وتعصيبها بسبت حركته ركبها السياره وركب قدام وهي تحس بتنفجر منه واللي قهرها ضحك سعود
شافتهم واقفين عند كوفي :وش تبين اجيب لك؟
طنشت ولا كانها تسمعه
لف بسرعه عندها وسحبها:انا مو خدام عندك تكلمي وبصراخ بسرررررررعه
اروى بخوف وضح على صوتها:ما ابي شي
خالد :احسن ورجع مكانه
سعود اللي تعود على خلافاتهم:وش قررتم
خالد:البيت تأكل هناك هالمايعه
اروى بداخلها طيب خلدون دواك عندي كانت طول الوقت تتأفف وتبي توصل بسرعه البيت وقهرها سعود اللي ماشي ببطء ومره يوقف وياخذ له شي !
اما سعود اللي طول الوقت متعمد يتاخر كان مبسوط بوجودها ومرتاح حتى وهو يسمع تأففه مبسوط عكس خالد اللي كان نار وصلوا لعند بيتهم ونزلت بسرعه بعد ما ضربت الباب بقوه
خالد اللي كان يبي ينزل وراها مسك يده سعود وبداخله فدوه لها :على وين
خالد:بس بداخلي حره خل اطلعها طنشه سعود وحرك السياره
اروى وهي تنادي بصوت عالي:يمه يمه
ام خالد وهي تطلع من المطبخ:روحي بدلي وساعدني والا انخمدي سوالفك انتي وخالد مالي خلق لها
اروى:يمه يقهرني
ام خالد:انتي اثنينكم تقهرون يلا سوي اللي قلت لك عليه وان جلس ابوك ع السفره وبديتي بموشحك المعتاد ما يصير لك خير
اروي بقهر :زين طلعت تسبح وتبدل
عائلة اروى((ابو خالد موظف حكومي كبير انسان عصامي قوي الشخصيه متمسك بالعادات لابعد الحدود وقبلي بقوه ام خالد ربة بيت من زمن نادر نلقى مثلها بيته واولادها وزوجها كل حياتها !
واهتمامها خالد 25 سنه الولد الكبير موظف انسان عصبي وموته وموت الدلع والمياعه والسبب اخته اروى اللي معقدته !
اروى 23 سنه البنت الوحيده بالبيت والدلوعه واللي متعوده ان طلباتها اوامر بالبيت فهد 18 سنه يالثانوي وعلي 9 سنوات))


جلست وهي شعرها مبلول ودقت على ريم اللي ردت على اخر دقه :هلا
اروى:لا بالله بس شوي
ريم بضحك:يؤؤؤؤ غلطت يعني ؟
اروى:ما تقولي ليه ماتردي؟
ريم :والله واقفه عند باب البيت ومحتاره ادخل والا ارجع
اروى بتريقه:لا شدعوه تتدخلي بيتك خليك بالشارع
ريم:أي والله احسن
اروى:انتي ترى مضيعه عقلك لو بباريس كان قلت الجو خلاك تخقي وتجلسي برا بس بالدمام يعني سلخ
ريم:ههههههههههه خلاص خل اقفل انا داخله البيت وبرد اكلمك
اروى:لا بنام
ريم:صدق بلا ذوق
اروى:حاجه زي كذا الموهيم راح تجين اليوم
ريم:اشوف وين تروح بي خطاي
اروى :عسى تجيبك خطاك
ريم:يا رب باي
اروى وقفلت منها وقفت عند الباب و اخذت نفس عميق وكأنها تستعد لمعركه دخلت لقت الصاله هدوء مشت للمطبخ ولقت الخدم في حالة استنفار وترتيب وتجهيز
ريم:خير؟
الخدامه:هدا في خالة انتي اجي اليوم
ريم بقرف:وعه طلعي لي عصير ليمون فوق ومشت لغرفتها رمت عبايتها وجلست وسط سريرها دخلت شذى بسرعه والفرحه مو سايعتها
:ريمو تعرفي من بيجي اليوم؟
ريم وهي ترفع حواجبها باستغراب:منو؟
شذى وهي تدور بفستانها الوردي القصير:خاله ام سعد ولا بعد سعد بيوصلها
ريم:وين الشي اللي يفرح بالموضوع؟
شذى بحالميه:سعد هو الشي اللي يفرح
كشرت ملامحها وظلت تطالع فيها لا يا شذى لا تحبين لا تحبين نار بتكويك وما في احد يحس فيك ولا لو تعرفي ان امي ناويه ان سعد لي وش موقفك مني ومنهم ومن قلبك بعد؟
شذى:وش فيك؟
ريم: ولا شي سامي ما اتصل؟
شذى:اوووووووووف جد فاضيه انا اقولك سعد بيجي وانتي تقولي سامي لا مااتصل وبعدين انتي ليش كله نكد ترى جد طفرتيني ابي اخت احكي لها تفهمني !
مو كله زعلانه والا هواش مع امي والا برا صرت اشك انك بنت
ريم ببرود:شذى
شذى:نعم
ريم:طلعي برا ممكن؟
شذى:اوووووووف وطلعت بعد ماخبطت الباب بقوه
((شذى 21 سنه اخت ريم الصغيره عشقها من طفولتها سعد ولد خالتها تحب كل شي فيه !
دلوعه لابعد حد تدرس ادب انجليزي و دائم بصف امها بخلافاتها مع ريم لانها تشوف ان بالشي هذا تكبر بعين امها وخالتها اللي دائم تشجعها على الاسلوب هذا))
مشت لحد غرفتها تكمل أناقتها وتجهيزها عشان تكون بالا ستقبال
ريم اللي سحبت اللاب وفتحته كانت حاطه رمز سري عليه ومرفوض أي احد يستخدمه غيرها جلست تقلب بالمنتديات
و طفشت لا جديد قفلت النت وجلست تتصفح المجلدات اللي بجهازها وقفت عند مجلد حافظته باسم حبيبي !
حست ان عيونها تعلن حالة بكاء غمضتها بقوه و فتحته كانت كل صوره لها ذكرى عندها ولها معنى
هنا وهو بعيد ميلاده وهذي وهو حاضن هداياها وهنا بالبحر يسبح وهنا وهو تعبان كانت تمر على كل صوره تفتح لها باب جروح بداخلها
قفلتها وهي تجاهد دموعها فتحت مذكراتها اللي حافظتها باللاب وجلست تقرا وهي تبكي
((يحبني ايه راشد يحبني )) ابتسمت وهي تقراها
((لا أملك أي شي من تعابير الفرح الا بوجودي معاك حبيبي احبك))
((اليوم ميلاد حبي بنظري مافي اغلى من اليوم هذا بحياتي))
((لم اكن اعلم بان من اعطى لحياتي معنى و كان سر ابتساماتي سيكون موتي على يديه لقد لفظت اخر انفاسي بين احضانه وهو يطربني بوعود حبه
لقد اصبحت بقايا انسانه كنت بنظرك حوريتك اللي تعيش بوسط امواجك ولكن امواجك لفظتني على شواطيها وتركتني اعاني حبيبي لقد احببتك بصدق فلماذا تركتني))
((اليوم راشد سافر مدري وين؟ والا متى بيرجع؟اللي اعرفه انه تركنييييييي))
قفلت اللاب بقوه ورجعت تبكي بقهر من حالها ووضعها
انفتح الباب بقوه وكانت امها ظلت تطالعها بالمرايه بكل برود
ام سامي:وين انتي من الصبح؟
ريم جت بتتكلم بس فضلت انها تسكت
ام سامي:سمعي خالتك جايه تعدلي وانزلي
ريم:من عيوني
طلعت وتركتها وهي تتافف وتتحطم من بنتها
((ام سامي شخصيه قويه ومتسلطه زوجها متوفي من سنين طويله ظلت بخلافات مع اهله حتى اخذت كل حقها وحق عيالها من الورث !
مستوى عائلتها ممتاز تشتغل مشرفه تربويه بوزارة التعليم دائم على خلافات مع ريم وهالشي خلى ريم تكون بعيده عنها وتجرب الهروب من قربها ونقاشاتها))
***
يمّه : وْگَم گَابُوْس الأيَام أفزَعنِي ..
وْ أمسِيتْ ب أحْضان : أشباحٍ تِهادِيني
سمِّي عَليّ :[ مَا عاد گُبرْي يمَتِّعنِي ]
طِفلَة ب حَنانگ : وْلَوْ شابَت بي سِنينٍي ..!
***
ع الظهر بدار ايتام بالخبر كانت نايمه وهي تصارع الكوابيس اللي ما كانت تفارقها
:فجر وش تسوي؟
فجر:بس ابي اصور ماما وبابا
مدى:بس بابا عنده رجال
فجر:اعرف يا غبيه انا بصورهم من بعيد من دون ما يدرون وبعدين نوريهم ونسوي لهم مفاجأه
مدى:كيف يعني؟
فجر:اووووف بعدين اوري ماما بابا ويش يسوى وبابا ماما ويش تسوي وهم مو بعض فهمتي
مدى بدلع:ايه فهمت ومسكت يد فجر تعالي نصور ماما بالمطبخ بعدين بابا
فجر :يلا
كانت امها بالمطبخ تجهز الغداء صورها بالفيديو من دون ما تدري وراحو ركض لمجلس الرجال كان ابوهم مع صديقه ابو وليد
واكبر تجار المدينه كان توه بادي تجارته مع ابو فجر وكانت تجارتهم ماشيه بنجاح كبير دخلت فجر ومدى وكانوا مندمجين بالاوراق اللي معاهم
خبوا الكامير بزاوية المجلس وركضت فجر لحضن ابوها وضمته بقوه
ومدى جلست تلعب بالوسائد
ابو وليد:وش ذا الجمال يا فجر؟
فجر بخجل تخبي راسها بحضن ابوها
ابو فجر:هههههههه شايف وتخجل بعد
ابو وليد:عسى عيون اهلك ما تبكيك الله يحفظك بس من كل عين ابو فجر ترى خلاص بنتك زوجة وليد ولدي
ابو فجر:ههههههههههههههههه لا بنوتتي مدلعه مو حمل عنف وليد
ابو وليد:ههههههه بس بس قلت تصير له تصير له
قطع جوهم صوت عماها نايف:السلام عليكم
ركضت فجر لمدى :ما تشيلي الكاميرا
جلسوا يلعبون متجاهلين نقاش حاد بين عمهم وابوهم

brb
الرجوع الى أعلى الصفحة اذهب الى الأسفل
طايشه بس عايشه

طايشه بس عايشه


عدد المساهمات : 125
تاريخ التسجيل : 09/03/2011

لا تعتذر لي حبيبي خلني بجروحي اموت ولا تنحني لي /للكاتبة :آغلىـآ نآسي Empty
مُساهمةموضوع: رد: لا تعتذر لي حبيبي خلني بجروحي اموت ولا تنحني لي /للكاتبة :آغلىـآ نآسي   لا تعتذر لي حبيبي خلني بجروحي اموت ولا تنحني لي /للكاتبة :آغلىـآ نآسي I_icon_minitimeالأحد أبريل 17, 2011 11:24 am



***
مدى بصراخ هز القسم:آآآآآآآآآآآآآآآآآآآآآآآآآآآآآآآآآآآآآآآه صحت وهي ترجف وتبكي والعرق يتصبب منها المشرفات بملل:كل يوم على هالحال آنسه مدى؟
جتها الخاله حسينه ورمت نفسها بحضنها وبكت وهي تضمها بخوف:اسم الله عليك وش فيك؟
مدى :فجر وينها؟ ماما ماتت وبابا مات وبصراخ اكرههههههههههههههه هو السبب هو السبب
الخاله حسينه ضمتها وجلست تقرا عليها ايات لحد ما نامت بحضنها وهي تتم بكلام غير مفهوم بنظرهم بس انه بالنسبه لها مفتاح لجروحها والامها
المشرفه عاليه بقرف للمديره:هذي انسانه مريضه
المديره:اسمعي انتي مالك شغل فيها انتي ناسيه مين عمها لو صار لها شي بيودينا ورى الشمس
عاليه:واي اللي يسمعك يقول درى عنها من يوم قطها عندنا ما سأل فيها
المديره:واي انتي ماله داعي يسأل خليها على حالها وخلينا بسلام
عاليه بتأفف :الله يعيني على صراخها وبكاها وطلعت وهي معصبه
دخلت غرفتها ولقتها نابمه ظلت تتاملها من شعرها البني اللي مقصوص كاريه لبشرتها البيضاء انفها الصغيره وعيونها الوساع شفايفها المليانه
ظلت تطالع فيها وبداخلها انتي حلوه يا مدى حلوه حيل بس ليه عمك رماك هنا وليه طول الوقت عايشه بكابوس انتي لغز بس ما يمنع اني اعترف انك حلوه حيل
ظلت تطالع لها وسرحت فيها وماقطع هالتفكير الا يد امها اللي انحطت على كتفها:يمه عاليه وش فيك؟
عاليه بخوف واستغراب:وش فيك وش جابك هنا؟
ام محمد:وش اللي وش فيني وش جابني خفت عليك ادق انا واخوك جوالك ما تردين خفت قلت انزل و اشوف وش فيك؟
عاليه :ابد بس انشغلت ونسيت الجوال
ام محمد وهي تطالع في مدى بأعجاب:بسم الله ما شاء الله سبحان خالقها من هذي
عاليه:وحده من البنات اللي هنا
مدى اللي بدأت تصحى فتحت عيونها ورجعت تغمضها بس شافت وحده غير عاليه قامت بسرعه وظلت تطالعهم بأستغراب وببراه:مين انتي؟
عاليه بعصبيه:مو شغلك وممكن تقومي بسك نوم وتشوفي وش لك وش عليك؟
مدى وهي تنزل وجهها وتلعب بأطراف اللحاف
ام محمد:ويش فيك يمه ع البنت حرام عليك خافي ربك هذي يتيمه
مدى اللي تسمع كلامها وتطالع لنظرات الشفقه بعيونها حست ودها تبكي تكره نظرات الشفقه لها وتكره طريقة معاملتهم لها
عاليه:اقول انسه مدى ما عندي شغله غيرك بتقومي والا اجي اسحبك مع شعرك واقومك غصب عنك
مدى وهي ترمي اللحاف من عليها اكتفت انها تحتقرها وتمشي لبرا
ام محمد:اعوذ بالله من شرك اقول لبسي اخوك ينتظرنا برا جلست تفكر بمدى وبداخلها اسم الله عليها وش هالجمال بس اللي يقهر ليه هنا معقوله لا ام ولا اب لا خوال و لا عمان
خساره هالجمال كله يكون هنا محبوس ومدفون بالحياه بس الحمدالله على كل حال طلعت لمكتب بنتها اللي لبست وطلعت
عاليه:يلا انا خلصت
ام محمد:يلا اخوك احترق من هالشمس
عاليه:زين يلآ
طلعوا كانت مدى تمشي مع صديقتها رشا بالمرات بهدوء بالرغم ان رشا تستعجلها عشان تطلع معاها برا
سمعت صوت عاليه وهي تصارخ:خييييييير نزهه انقلعي انتي وهي كلوا بكره تستمرضون تبلونا فيكم
مدى:مو شغلك
عاليه:شنو
مدى:اتوقع خلص دوامك
رشا:وبعد لو طلعتي راح تنفتح نفسنا يعني بليز طلعي
عاليه بعصبيه:صدق قليلات ادب وبسخريه:ههههههههه والا وينكم وين الادب لا احد يعلم ويربي وطلعت لامها اللي تنتظرها برا من بعد ماخبرتها انها راح تاخذ لها اذن وتلحقها
رشا وهي تطالع بعيون مدى اللي امتلت دمع:يلا عاد مدو ما يبيلها هالكشره من صغرنا واحنا متعودين على كذا
مدى وهي تأخذ نفس عمييييق:ربي يعين الا ما قلتي وش سالفتك؟
رشا بحيره:انخطبت
مدى بصدمه:جد
رشا وهي تحاول تخبي حزنها:وبعد أسيل
مدى:متى هالتطورات؟
رشا بعبط:وانتي ترافسي بالغرفه كسرتي يد خاله حسينه
مدى وهي تدفها:عمى بعينك جاني بنومي عسى ماتطلع عليه شمس
رشا:آآآآمين الموهيم يا عسلز نادتنا المديره طبعا بعد ما رزت عاليوه عندها ومدري مين وذيك واللي هناك
مدى وهي تضحك:هههههههههه كل ابوهم عرفتهم كملي
رشا:وبدأت محاضرتها المعتاده انتم بناتي عشت معكم اكثر ما عشت مع اولادي والكلام دا
مدى وهي تحط ايدها بجيوب تنورتها:ايون
رشا:الموهيم :أسيل خطبها واحد كبير يقولون ببداية الخمسينات بس مقتدر ويبي زوجه تونسه
مدى بقهر:عمرها 17 تأخذ واحد بالخمسين ليش؟
رشا:عشتم من بيجي غير الكبار بالسن والا من نفس الدار بس هي وافقت
مدى:لاع
رشا:والله اقول اركعي اسجدي تقول اذا مو هو غيره تختصر الوقت
مدى:وانتي؟
رشا وهي تغمض عيونها بقوه وبحسره:ولد عمي
مدى ظلت مفهيه وقت بعدين استوعبت:شلوووووون؟
رشا وهي تبتسم عشان ما تنزل دموعها :ابوي يبي كذا
مدى بقهر:توه يكون ابو راميك عشان زوجته ما تبيك بحجة انه ما يقدر يربيك ولا عنده شي وتوه يحس اللحين
رشا:شفتي القهر يا مدى وش اقول غير حسبي الله
مدى بحسره:خلاص رشو ارفضي
رشا:راح ياخذني ويزوجني غصب
مدى:طيب يمكن خير لي
رشا:تتوقعي يبي وحده عاشت طول عمرها يتيمه ومرميه بعيد عن اهلها اكيد مجبور علي والا اهله وشلون بيستقبلوني
مدى وهي تلف وجهها بعيد عنها وبقهر:عسى ربي ينتقم لنا من ظلمهم قولي آآمين
رشا وهي تتنهد:اقول قومي جيبي غدا لي
مدى:اقول طسي مناك
رشا:وجع اقول بتزوج يعني بكره بتفقدي طلتي وكشتي تقولي طسي
مدى:خل افقدها وبعدين سوي رجيم كرمال ابن عمو يخق عليك
رشا وهي تدفها:مالت ابن عمو وتخق ما تتناسب
مدى وهي تمثل انها غصت:كح كح اوما تتناسب كلمه بعيده عن ثقافتنا تعبتي فيها اكيد
رشا وهي تعدل التي شرت حقها:اجل العب انا ساعه منقعه بمكتب مامتنا تعبت والا ما تعبت
مدى وهي تسحبها/تعبتي خل نروح نال حدي جوعانه
((مدى عمرها 18 سنه اخت فجر اخذها عمها بعد فتره من حادث امها وابوها وبعدين دخلها الدار تختلف عن فجر انها قويه !
و ما تسكت عن حقها ويمكن مكان عيشتها له دور كبير طويله اطول من فجر وجسمها انثوي ملامحها جميله بس مو بجمال فجر
رشا 18 سنه صديقتها من دخلت الدار وهي معاها طويله وبيضاء شعرها مقصوص بوي وتميل ع تصرفاتها الصبيانيه اكثر ملامحها حاده وجذابه بشكل كبير
ابوها دخلها الدار من بعد موت امها بسبب زوجته اللي رفضت عيشتها معاهم ))


***
وَ احآولْ آلإختبآء !
حَولَ أقنِعةٍ
أعتقدُ يَوماً مَآ بأنهآ سَ تُسآعدُنيْ علىَ آلنِسيآنْ .!
وَ لكنْ مَآ يُحزنُنيْ بِ حَقْ أنَّ آلذكْريآتْ تَنهُشنيْ يَوماً بَعدَ يَومْ ..‘
وَ تأبىَ آلتَلآآآشيْ ... !
***

بمكتبه الفخم بالخبر بوحده من شركاته قفل اللاب من بعد ما خلص من شغله عليه
وقف وهو يطالع بصورة ابوه قربها منه وبحقد:عهد علي اني راح القاهم وقتها راح ادفعهم ثمن حقارتهم ولعبهم في اخلاقك !
واعلمهم انك سيدهم وتاجهم !
بعد سحب مفاتيحه وطلع من شركته
ركب سيارته الفخمه وتوجه لقصرهم دخل لقى امه جالسه تتكلم مع رئيسة الخدم وتوصيها ع ترتيبات سلم وجلس ينتظرها تخلص من توصياتها
جلست وهي راسمه ابتسامه على وجهها:حي الله ابو خالد
وليد:الله يسلمك بس ترى وليد احلى بكثير
ام وليد:بس لو تفكني من عنادك كان اللحين خالد يلعب معاي
وليد بحقد:مو قبل مااخذ حق ابوي
ام وليد وهي توقف بعصبيه:بس لا تذكرني من اذكر اشب بناري
وليد:هانت يمه بسيطه
ام وليد:يعني عمهم ما يعرف شي عنهم
وليد:عمهم غريب يتجنب الاحتكاك فيني باي طريقه بس بسيطه اوصلهم يعني اوصلهم
ام وليد:مدري بالرغم انه هو اللي كشف هاللغز وبين وين الحقيقه
وليد:قلت لك اوصل لهم يعني اوصل
قطع كلامهم وتهديداتهم دخول عمته مريم اللي لها مكانه خاصه بقلبه
مريم:السلام عليكم
وليد وام وليد باصوات متفاوته ردوا السلام عليها وليد بعتب:كذا تخليني اصحى و اداوم من دون شوفتك؟
مريم بابتسامه متعبه:معليش يا ولدي راحت علي نومه الا ما دق عليك خالد؟
وليد:لا بس على بكره جاي على حسب كلامه
مريم:زين
دخلت سهام بضجتها المعتاده:هااااااااايات للجميع وركضت لجهة وليد وجلست جنبه
وليد:نعم
سهام:تعيش ان شاء الله
وليد:ههههههههههههههههههههههه وش دخل ذي اللحين؟
سهام:مدري بس لازم ارد عليك
وليد:طيب وش تبين؟
سهام:لوحدنا اقولك وهي تطالع بامها وعمتها
ام وليد:سهام وش فيك متى تتعلمي الذوق ويصير عندك اسلوب؟
سهام:اوووووه ماما انا معاكم ليه الرسميه
ام وليد طلعت وهي تتحطم
مريم:ههههههههههه بسيطه تعيشي وتاكلي غيرها
سهام وهي تبوز:كل يوم اكل غيرها
وليد:طيب دلوعتي وش تبي؟
سهام وهي تبعد:عنه ابي اقولك اني انفصلت من المدرسه وركضت على غرفتها
مريم:الله يهديها هي ثالث مدرسه هالترم تنفصل منها
وليد:جد
مريم:انت معطيها وجه بزياده بدالك اشد شوي ما راح يصير لها شي انا طالعه فوق ارتاح لحد ما تجهزون للغداء
وليد وهو متجه لغرفة سهام اللي جالسه بوسط الكرسي من شافته بدأت بدلعها:ولودي هي البنت قلة ادبها علي وانا ضربتها بس هي اللي بدات بليز ما تزعل
وليد وهو يجلس بجنبها:سوسو انا ما عندي مشكله وين ما تبين ادرسك ويش ما تبين اخليك تسوين بس انا ابيك تكوني ناجحه ما ابي احد يقول شوف دلعك والا تربيتك
والا مدري ايه سهام خفي شوي ثالثه مدرسه بشهرين يعني مو كأنها قويه
سهام:مو انا قلت هي السبب
وليد:سهام هالمره راح امشيها لك بس صدقيني لو تنفصلي راح اجلسك بالبيت
سهام بفرح:ما انحرم منك و احاول ما انفصل
وليد بضحك:زين بدلي وتعالي عشان نتغدى
سهام:وماما
وليد/افا احد يقول لك شي وانا موجود
سهام بدلع:ربي ما يحرمني منك يا اكوس اخ بالدنيا
((وليد الناصر 25 سنه من اكبر العائلات بالخبر عايش مع امه اللي شغله الشاغل تنتقم من اللي قتلوا زوجها وزرعت هالحقد بقلب وليد اللي صار يتنفسه
سهام 18 سنه اخر العنقود ودلوعة وليد بنت عنيده وماخذه الحياه لعب وسعة بال
مريم العمه عندها ولد خالد اللي يدرس ويشتغل الاعلام بالكويت عمره 25 سنه زوجها متوفي من زمان ))
***
brb
الرجوع الى أعلى الصفحة اذهب الى الأسفل
طايشه بس عايشه

طايشه بس عايشه


عدد المساهمات : 125
تاريخ التسجيل : 09/03/2011

لا تعتذر لي حبيبي خلني بجروحي اموت ولا تنحني لي /للكاتبة :آغلىـآ نآسي Empty
مُساهمةموضوع: رد: لا تعتذر لي حبيبي خلني بجروحي اموت ولا تنحني لي /للكاتبة :آغلىـآ نآسي   لا تعتذر لي حبيبي خلني بجروحي اموت ولا تنحني لي /للكاتبة :آغلىـآ نآسي I_icon_minitimeالأحد أبريل 17, 2011 11:37 am



***
{المشُكلْهٌ ..| لا زُادْ / حُزنْكٌ " !
وْاللٌيْ " حوْلكٌ " .. { عٌايشْينْ !
اٌنْ حْاوٌلوْا .. " ينُسوْنكٌ " همْكٌ !
. . . . . . . . . كَرْموٌكْ بْ / كلٌمتْينُ } !
{ إضُححْحكٌ | فِلهُا | وُسعْ صٌدرْكِ } ..
. . . . . . . . . يْازًييينْهمٌ بس" سْاكتٌيْنٌ } !
***


بقصره بحي الحزام جالس وهو يلعب مع حفيدته ومبسوط
ام حمد:انت من تجي سمر تنسى كل شي
ابو حمد:هذي سموره حبيبة جدها ما احد ياخذ غلاها
شجون وهي توها تدخل:حتى امها انا من جبتها طاح سوقي عندك وعند ابوها
ابو حمد:هههههههه لا يا يبه بس وش اسوي انتي جبتي قمر
شجون:ههههههه طيب يا يبه ابي اشكي لك من سعود
ابو حمد:وش سوى
شجون:كله مشغول ما يفضى ومن يرجع بمكتبه
ابو حمد:مو منه يا بنتي انا مكلفه بقضايا هالايام
شجون:ومحامين الشركه
ابو حمد:فيهم الخير بس سعود شاطر وذكي والقضايا اللي معطيه صعبه بس تحمليه هالفتره
شجون:زين يا يبه بس عشانك ولفت لجهة امها:يمه انا بروح المشغل اليوم في استقبال مسويته عمتي ام سعود تجين معي
ام حمد:لا واللي يسلمك ابي اجهز لسفرتي شوفي جوري تروح معاك
((نايف العآمر من كبار تجار المملكه وعم فجر ومدى
عنده شجون 26 سنه متزوجه من سعود ولدصديقه علي وشريكه بكل شي وعندها بنت عمرها 3 سنوات سمر سعود عمره 26 سنه نفس عمرها لشجون
الجوري 20 سنه اخر العنقود بنت عنيده و ما يعجبها أي احد حمد23 سنه و الولد الوحيد بالعائله ))
***
كيف أرتآح !
وأنا صوته ما سمعته . .
ومن وين تجي الرآحه !
وهو عني بعيد . .
حآولت أقنع قلبي
بس ما قنعته
كيف أقنعه !
وهو فآقد له وريد . .
***
آلجوري اللي كانت بسبات ومزعجها صوت جوالها ردت بتعب ونوم:الو
عيسى:الو ويا هلا والله بالصوت وراعيته
الجوري:جعل امك تبكيك قول امين مزعجني من تكون؟
عيسى:حبيبك
الجوري:حبك قرد ضف وجهك يا مال العمى
عيسى:عادي تموني انا اروح فدوه لك
الجوري:اسمع يا متخلف ويا غبي انا فيني نوم ابي انام وراح اقفل ولا تزعجني فاهم
عيسى:من عيوني نوم العوافي
الجوري تقفل في وجهه :غبي سخيف من وين طلع هالغبي ناقصه تخلف
دخلت شجون وهي مستغربه من اختها اللي تتحطم:وش فيك؟
الجوري:ابي انام
شجون:وين المشكله؟
الجوري وهي تبعد شعرها عن وجهها:وش تبين اللحين؟
شجون:تروحي معاي المشغل اليوم في استقبال ببيت عمتي وقفت الجوري وسحبت شجون لبرا وقفلت الباب
شجون وهي تضحك:ههههههههههههههههههههههه يالدوبآآ اوعدك عيسى ماراح يكون موجود
الجوري:اقول انقلعي وانتي هالعزيمه اروح لبيت عيسى هذا اللي ناقص
جلست بوسط الغرفه فتحت شجون الباب من جديد وبرجاء:واللي يسلمك تعالي معاي مامي مو معاي وتعرفين من اقابل بنات عمته وعماته يبدون فيني وما ينتهون
الجوري:احد قالك تزوجينه؟
شجون بهيام:جعلني فدوه له احبه
الجوري:اجل تحملي حبك له
شجون:تكفين تعالي معاي تعرفين مااعرف ارد عليهم وبيظل خاطري مكسور طول السهره
الجوري بملل:طيب طيب بس من اسوي شي لا تقولي وش بيقولون والا قالوا
شجون:تحت امرك بس تمشي معاي المشغل وتلبسي بعد ع ذوقي
الجوري:طيب بس اتسبح والحق عليك يلا
شجون وهي تبوسها :ما انحرم منك فديتك انا راح اسبقك لهناك زين
راحت تسبح وتبدل من بعد ما خلصت لبست عبايتها وطالعت في جوالها اللي كان يضوي سحبته ولقت اتصالات من شجون ,
حمد فتحت الرسائل ((قبل مايأخذك مني نومك عساني اسعد حلومك لانك يا لغلا اسعد احلامي ))
رمت جوالها من دون اهتمام بشنطتها وبداخلها بعد اشغل نفسي بحركات مراهق خل يدق ويرسل لبكره
كان مقابل البحر وسرحان ويفكر فيها عذاب صوتك يا جوري هذا وانتي تو قائمه من نومك اجل لو تروقي شلون؟
مشعل وهو يدفه:مطول الاخ
عيسى:احبها والله يا مشعل احبها بس ذبحني عنادها
مشعل:صدق فاضي من ساعه سرحان عشانها بس
عيسى وهو يغمض عيونه: مو حاس فيني انت مو حاس فيني
مشعل:ابي افهم انت من الكف اللي اعطتك خلتك تحبها والا من اسلوبها اللي يسد نفس الواحد مااشوف فيها شي ينحب
عيسى وهو يعض ع شفايفه ويمسك خده:لو تدري ان ذاك الكف صحاني على اشياء واجد اتمنى اشوفها واتكلم معاها ولو تعطيني بداله عشره راضي
دق جواله وكان اخوه سعود:هلا ابو سمر
سعود:هلا بيك شلونك عيسى
عيسى:زين
سعود:انت بالبيت؟
عيسى:لا والله ليه؟
سعود:ابد بس الوالده مسويه عزومه عندها اليوم وابيك تشوف اذا شجون جت والا لا لان جوالها مقفل وما ابي اكلم امي تعرف بفتح علي وعليها باب
عيسى:بس دقائق واكون بالبيت وقفل بسرعه
سعود مستغرب:الحمدالله والشكر قفل منه وجلس يقلب بالاوراق اللي عنده
مشعل:نعم على وين؟
عيسى:بروح البيت
مشعل:انت وش تحس فيه ناسي ان عازمين الشباب اليوم
عيسى:انت تصرف وركب سيارته بسرعه وبداخله يدعي يا رب اشوفها يا رب تجي مع اختها اه منك يالجوري يمكن يصيبني شي والسبب انتي
((عبدالله العالي من كبار المحامين وصديق نايف العامر الروح بالروح عنده بس ولدين سعود 26 سنه محاماه مثل ابوه متزوج شجون عيسى 24 سنه
يدرس هندسه ويحب الجوري بس يعاني من رفضها له ))
وصل قصرهم ودخل وهو يصارخ وينادي امه
ام سعود:عيسى وصمه وش فيك؟
عيسى:ابد بس وش فيه؟
ام سعود:صدق فاضي هالصياح عشان وش فيه يعني وش بيكون مسويه عزيمه
عيسى:وش المناسبه؟
ام سعود:فشخره على قولتك خلصني وش تبي؟
عيسى:وين شجون؟
ام سعود:صدق قليل ادب ليه تسأل؟
عيسى:ياااااليل ابي سمر
ام سعود:ببيت جدها وشجون واختها بيجون لوحدهم بعد المغرب لفت وهي تكلم وحده من الخدم:يا غبيه شوي لا تكسرينها ومشت بسرعه ناحيتها
عيسى :هياااااااااااااااااااااااا وناسه هذا وجهي يا ماما لو طلعت اليوم وطلع لغرفته يتسبح من بعد ماارسل لسعود عشان شجون
***
كـأني حـاس !!
بأنك راح تآخذني وتتركني بدون
...................................أنفآس !!
...................................أنفآس !!
...................................أنفآس !!
***
بملل رمى الاوراق بيده:اوووووووووف
يوسف:بس خلاص تعبان لا تكمل
راشد:مو تعبان كثر مو خايف لو خسرت هالمناقصه بارجع لورا وكان تعبي ماكان
يوسف:لا تتشائم بس لا زم التعب
راشد بقهر:تعبت ابي ارد ديرتي عند اهلي
يوسف:وعندها
راشد بابتسامه حزينه:يا كثر ما وحشتني
يوسف:اقول انا بطلع امر سامي وانت خلك بذكرياتك
راشد:الا اعزم سامي هذا اللي ذابحنا فيه خل اتعرف عليه
يوسف:ابشر بس خل ترسى المناقصه على شركتنا اسوي حفله مو عزيمه
راشد:ان شاء الله
((راشد العلي 27 سنه عايش بفرنسا من ثلاث سنين من بعد ما خسر ابوه تجارته بالمملكه ومات كان لازم يسافر فرنسا عشان يدير الشركات اللي باسمه
عايش مع امه واخوه يوسف 24 سنه اللي يدرس هندسه معماريه ))
وقف عند الشباك اللي يطل على حديقة فلتها الواسعه وتنهد وشلونك يا ريم؟تذكرني والا نسيتيني؟سا محتيني والا غمض عيونه وحط يديه على اذنه يمكن يبعد صدى صوتها
حقيييييييييييير بتتركني
راشد:حكيت لك ظروفي
ريم ببكاء:كذاب
راشد:ابوي من ايام متوفي والشركات اعلنت افلاسها والاملاك راحت كلها رهونات للبنك بس لسى املي بالشركات اللي في فرنسا باسمي حسي فيني شوي
ريم:وانا يا راشد ما فكرت فيني ما حسيت فيني ولدي وموته واللحين جاي ترميني وش اقول بكره لاهلي اذا قالوا تزوجي قلي وش اقول اقول !
انا حقيره انا مااستاهل احترامكم انا خنتكم وضيعت شرفي
راشد:تعالي معاي فرنسا انتي هنا اصلا مو مرتاحه
ريم وهي تمسح دموعها:ايه واروح عند اخوي اقول وش اقول ورجعت تبكي
راشد:وربي غصب عني انا مااقدر بس صدقيني راجع
ريم ببكاء وصراخ:روووووووووح الله لا يسامحك روح عساك ما ترجع حسبي الله عليك
راشد وهو يجاهد دموعه:تتدعين علي
ريم:ليته يشفي غلي منك غلطتي حبيتك وصدقتك غلطتي بس لو اندم لمليون سنه ماراح ينفعني ندمي !
وقفت ولفت له:لا جاك بكره ولد علمه وربيه زين قله ما يبيع ولا يخذل من مده له يده واذا جتك بنت لفت عليه وعيونه مليانه دمع
قلها ان هالزمن مافيه حب والدليل انت مشت وتركتها ومااحد يدري منهم من اللي جرحه اكبر
فتح عيونه:وربي احبك يا ريم بس غصب عني وراجع لك اكيد بس قلبك لسى على خبري مشى لعند دولابه وسحب ايسكارف كانت مهديته له
:شنو هذا
ريم وبدلع:اممممم عشان ما تبرد مو رايح باريس وهناك شتاء ماابيك تبرد
راشد:ماراح اخذه
ريم بزعل:ليش؟والا مو قد مقام راشد العلي
راشد بابتسامه:ايه مو من مقامي وعشان يصير من مقامي ابيه بريحتك بعطرك انتي مو لسى جديد
ريم:مافهمت؟
راشد:انا اقلك مو بعد اسبوع مسافر
ريم:ايه
راشد:طول الاسبوع البسيه نامي فيه كليه المهم من تعطيني هو يكون بريحتك انتي فهمتيني
ريم وهي تلعب بيدها من خجلها وتوترها :فهمت
راشد:فديت خجلك
ريم وقفت وسحبت الهديه بسرعه:اشوفك بعد اسبوع وطلعت من المطعم
غمض عيونه وهي يشم بقايا عطرها ويمر باصابعه على نقش حروف اساميهم
***
اللهُم آنُي [ إستوُدعتّك " قلبُي
................... فلآ تجعلَ فيُه آحدَ سوإُكَ ~
اللهم أحتَاجُ |[ صُباحَا ~ يَغسِل كُل حيُاتِيْ
.. و .. يجعَلُنِي أتنَفس !
***
مرت لعند المسجد اللي بحيهم قبل تروح على دوامها من امس ما شافتها !
اشتاقت لها ولكلامها اللي تعودت تهدي جروحها والمها فيه دخلت وشافتها محوطينها حريم الحي اللي تشكي وتنصحها !
واللي تسأل وتعلمها وهذي تعلمها الصبر وش بيعطيها بالاخير جلست باخر المسجد فجر وظلت تطالعها وش كثر تحب هالانسانه
صح مارزقها ربي بعيال بس تحس فجر بنتها هي ربتها كانت لا خافت راحت دقت بابها ورتمت بحضنها هي علمتها وقفت معاها ...
تذكر كم حمتها من ظلم خالها وشلون وقفت بوجهها حتى خلتها تاخذ الثانويه ومن بعدها راحت تشتغل رجعت تكلم وحده من الحريم
ورجعت تطالع مالقتها بمكانها دورت عليها لقتها واقفه تصلي ابتسمت ورجعت لشغلها خلصت صلاتها وجلست تنتظرها تخلص
أشرت لها تجي لعندها قامت بسرعه وهي راسمه على ملامحها أجمل ابتسامه قربت وباست راسها ويدها
الخاله فاطمه بعتب:وينك يا بنتي البارحه ما مريتيني
فجر:والله كان عندي دوام وبعد اليوم بس قلت امرك قبل شلونك؟
الخاله:فاطمه:دام شفتك انا بخير الا انتي عطيني علومك؟
فجر:ابد بس الجديد انا خالي سافر مدري وين
الخاله فاطمه:مو هذا حاله من تاخذي راتبك ياخذه ويروح عشان استغفر الله استغفر الله
فجر:الله يهديه المهم يظل بعيد عني وياخذ اللي يبي
الخاله فاطمه وهي تمد لها الفلوس :هاك يمه
فجر وهي تبوس يدها:لا يمه معاي لا تفكري اعطيه كل الفلوس ولو احتجت مالي غيرك تطمني
الخاله فاطمه:اكيد
فجر:اكيد يلا انا بروح تاخرت تامريني بشي
الخاله فاطمه:لا يمه بس انتبهي على حالك ولاتنسي الاذكار ترى اخاف يمه عليك
فجر بابتسامة :من عيوني يلا تأخرت مع السلامه
***
الرجوع الى أعلى الصفحة اذهب الى الأسفل
طايشه بس عايشه

طايشه بس عايشه


عدد المساهمات : 125
تاريخ التسجيل : 09/03/2011

لا تعتذر لي حبيبي خلني بجروحي اموت ولا تنحني لي /للكاتبة :آغلىـآ نآسي Empty
مُساهمةموضوع: رد: لا تعتذر لي حبيبي خلني بجروحي اموت ولا تنحني لي /للكاتبة :آغلىـآ نآسي   لا تعتذر لي حبيبي خلني بجروحي اموت ولا تنحني لي /للكاتبة :آغلىـآ نآسي I_icon_minitimeالأحد أبريل 17, 2011 11:51 am

ماراح انزل بارت ثاني لين تردون
يآلله تفااعلوا
الرجوع الى أعلى الصفحة اذهب الى الأسفل
 
لا تعتذر لي حبيبي خلني بجروحي اموت ولا تنحني لي /للكاتبة :آغلىـآ نآسي
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات أحلى طلة :: قضي وقتك هنا :: كان يا مكان-
انتقل الى: