منتديات أحلى طلة

أحلى منتديات للإبداع والتميز
 
الرئيسيةالتسجيلدخول

شاطر | 
 

 خاطرة معاق

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
عسولة الخليج



عدد المساهمات : 76
تاريخ التسجيل : 23/09/2008

مُساهمةموضوع: خاطرة معاق   الأربعاء سبتمبر 24, 2008 7:51 pm

خاطرة تحمل الحزن بكل حرف , تصور العجز في تعابيرها
تسطر الوطنية في نهايتها .. أبدع في كلماتها
الشاعر الكبير , ( محمد عويضه) وللعلم .. فالشاعر ... مــعاق...

ّّ~~~~~~~~~~~~~~~~~~~~~~~~
الطفوله ..
أحلى مافي هالحياه
مرحله من غير هم
كنـّا دايم نبتسم
كنـّا حتى لو بكينا ... وجارت الدنيا علينا
بعد لحظـات وثواني ...
بسمه فينا ترتســم
كنـّا نركض خلف كوره ... لا لا أنا ماكنت معهم؟
وحدي بس بعيد عنهم ... كنت أضحك من ضحكهم ...
جالس لحالي أهذري... جالس أحسب كم( كوبري )...
صلـّحه( أحمد ) في ( ماجد ) ؟؟
والله واجد!!
وقبل ما يحل الظلام ...
للبيوت نروح نجري ... لا لا أنا ماكنت معهم !
أمشي وحدي بعيد عنهم ... أمشي وأعدد أثرهم!
وهم عني يبعدون ...
يبعدون ... يبعدون ...
إلا( ماجد )!
كان مثلي حيل ضايق ...
بس حزنـي كــان حارق
كان يسألني ببراءه : ...
ليش تعرج ؟ ... قلت مادري ! - باستياء -
ليش تبكي ؟ قلت مابكي - بكبرياء -
ضاق مني ...
ثم سألني في غباء ...
قال ( وثرايك تـثــابق )؟
وراح عنــّــي ... !!

كنت أسأل دوم نفسي ...
ليش ما أركض معاهم ؟؟
ليش دوم أمشي وراهم ؟؟
وش بلاي ؟؟ أو وش بلاهم ؟؟
ليه أنا غير الأنام ؟؟
زاحمتني الأسئله...
كل شيٍ أجهله ؟
وإن تعبت من الإجـــابه...
أحظن الحيـــره وأنام .

ّّ~~~~~~~~~~~~~~~~~~~~~~~~

مرّت سنين وكبرت ...
صار همّي اليوم أكبر
حتى دمعي صار أكثر
للأسف توي قدرت ...
أفهم إني شخص ( عاجز )!
يعني بيني وبينكم
مليون حاجـــز !!!
صدقوني ذي حقيقه ...
لا طلعت السوق ... كل مامشي دقيقه
القى كل شوي أبله !
يمشي ويناظر صديقه ...
ويغمز له
يقول : ناظر...!
وش يناظر ؟؟
وتتفجّــر في خفوقي
ألف ضيقه
ووحده في وسط الزحام ...
طالعتني باهتمام ...
بنت في عمر الزهور ... أي رشاقه ... وأي أناقه ...
وأي عطـــور !!
قلت في نفسي ياهووووه
هي تناظرني بغرام ؟ أو هي نظره والسلام ؟
بس أكيد إنها تعرفني ... شايفتني ؟
شايفتني في جريده ؟
واعجبتها لي قصيده ؟
إيييييه أنا توي افتكرت ...
لي قصيده ...
كنت ناشر معها صوره
بس صوره ... ياسلااااا م
وفاجأتني ...
لمـّا صارت لي قريبه ... كانت تـتمـتم بطيبه
( يكسر الخاطــر حـــرااااام ) !!!!!
وتركت دمعه غريبه ...
وضاعت بوسط الزحــام
دمعه كانت تحكي وضعي ... زلزلتني
ارتطم قلبي بضلعي ... دمرتني
صدقوني ...
أصعب اللحظــات وأقسى
لاغدا الرجـّــــال يكسر ... خاطر انثى
كيف ينسى ؟؟؟
جاوبوني !

وزاد همّــي ...
يوم فكــّـرت بوظيفه ... ثم زواج
أي وظيفه ... وأي زواج ؟؟
اللــي مثـلي ...
مهما طالب ... لويلف ولو يدور
زين لو حطـــّــوه كــاتب
لا ... وعلى بنــد الأجـــــــور ...
ماهو رسمي !!!
صدقوني لو تدرّج ... وصار راتبه يتصاعد
وابتــدا وضعه يزين
ما أظنه بيتزوّج ... إلا من بعد التقاعد
من سنه الى سنتين !
وفي النهــايه ...
يابلــدنا... مهما كانت تسميتـنا
عاجزين ... معوّقين
لك عهدنا... وذا قسمنا:
أقسم بالله العظيم ... منزل الذكر الحكيم
أن أصونــك يابلادي ... من شرور العابثين
من مطامع كل حاسد ... من نوايا كل فاســد
وإني لك حصنٍ حصين
إنتي ناديني وشوفي ... لا نويتي بالجهــاد
والله أقهر لك ظروفي ... دامك إنتي لي بــــلاد
وباسم كل العاجزين ...
دام فينا أصبع يطول الزنـــاد
لا يهمــّـك يابلادي ...
وازهليهــــــــا.....

ّّ~~~~~~~~~~~~~~~~~~~~~~~~

منقـ،،ــول


__________________
الرجوع الى أعلى الصفحة اذهب الى الأسفل
لمعة الماس
المدير
المدير


عدد المساهمات : 170
تاريخ التسجيل : 13/04/2008
العمر : 21

مُساهمةموضوع: رد: خاطرة معاق   السبت سبتمبر 27, 2008 6:16 pm

سوسو نايس مودوعك مرررررة يهبل
يا عثل
الرجوع الى أعلى الصفحة اذهب الى الأسفل
http://a7la-6ala.yoo7.com
الدلوعه قمر



عدد المساهمات : 12
تاريخ التسجيل : 15/10/2008

مُساهمةموضوع: رد: خاطرة معاق   الأربعاء أكتوبر 15, 2008 10:46 am

امممممممممممممم روعه خطيرررررره
الرجوع الى أعلى الصفحة اذهب الى الأسفل
عسولة الخليج



عدد المساهمات : 76
تاريخ التسجيل : 23/09/2008

مُساهمةموضوع: رد: خاطرة معاق   الخميس أكتوبر 16, 2008 12:00 pm

هلاااااااااااااااااااااااااااااااااااااااااااااااااااااااااااااااااااااااااااااا
الرجوع الى أعلى الصفحة اذهب الى الأسفل
foofa.ksa



عدد المساهمات : 169
تاريخ التسجيل : 28/09/2008

مُساهمةموضوع: رد: خاطرة معاق   الأربعاء أكتوبر 29, 2008 10:07 am

مشااء الله حلوووا الشعر cyclops

تسلمين ...~
الرجوع الى أعلى الصفحة اذهب الى الأسفل
 
خاطرة معاق
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات أحلى طلة :: قضي وقتك هنا :: شاعر المليون-
انتقل الى: