منتديات أحلى طلة

أحلى منتديات للإبداع والتميز
 
الرئيسيةالتسجيلدخول

شاطر | 
 

 فقط للبنات لاللتماسيح

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
عسولة الخليج

avatar

عدد المساهمات : 76
تاريخ التسجيل : 23/09/2008

مُساهمةموضوع: فقط للبنات لاللتماسيح   الأحد سبتمبر 28, 2008 9:56 pm

تعآلوْآ شوووووفوْآ موآقفْ بعض البنآت فيْ شهر العسلْ


والله يآهي مواقف عاد انتم اقروآ من هنا واخذوهآ عظه وعبره من هنْآ << <




وحده تقول زياراتها للمطاعم مع اهلها كانت قليله
المهم اول ايام زواجها دخلت مع زوجها المطعم قال زوجها للجرسون جيبلي منيو وسألها وش تبين؟ قالت مثلك ابغى منيو < - الله يفشلْ العدو
بس تكفى لايحط فلفل .. زوجها تسدح من الضحك وهي تقول احسبها وجبه او طبق معين
هههههههههه







ولآ وحده شعرها دايم يحتاجله سشوار مهو بناعم المهم السشوار اخترب مادري وش صار فيه عاد هي ذكاءها قادها لفكره جهنميه
وش سوت راحت على طاولت الكوي وانسدحت وهاتك يا كوي بهالشعر
وبرضه زوجها سوالها صادوه يوم دخل واختنا في الله تكوي منسجمه
الرجال انهبل على باله تزوج وحده ماهي صاحيه






وهذا موقف لوحده بشهر العسل تقول كنت مسافره خارج السعوديه واشتهيت مطعم عربي الله لا يعيدها المهم لقينا مطعم لبناني ورحنا له وحطوا لنا طبعاا قبل ما نطلب زيتون ومخلل
وجا الجرسون واقف فوق روسنا ياخذ الطلبات وزوجي يقوله الطلبات وانا احاول اصيد الزيتونه بالشوكه <<< - الضعيفه توهقت
المهم مير تطير الزيتونه وتصقع وجه الجرسون وهو ياخذ الطلبات
قام قال عنا في لبنان ناكل الزيتون بايدنا
عاد مير ما اسكتت وأنثبرت
قالت غريبه حنا عنا بالسعوديه نصيدها بالشوكه
وماسكها زوجي علي للحين كل ما شاف زيتون قال هاه بالشوكه والا بيدك
ههههههههههههههههه







ولآ وحده تقول انا متزوجه ولد عمي
و أول ما تزوجنا رحنا بريطانيا منها شهر عسل ومنها هو عنده دوره
المهم تقول مره دخلنا المطعم واخذت المنيو وقعدت اناظر الكلام كله انجليزي وانا ما اعرف ولا حرف بالانجليزي
تقول هو اختار والجرسون واقف عند راسي يحتريني اختار قالي زوجي تبين اساعدك بالاختيار
قلت ليش طايحه من عينك انا اعرف اختار المهم تقول اخترت طلب محطوط في اطار وحركات
قلت اكيد هذا شي حلو وقلت ابي هذا قال زوجي متاكده قلت ايه اصلا من زمان اطلبه لما كنت اطلع مع أهلي
تقول قالها طيب ابشري وهو يضحك ويوم جابوا الطلب الا وجبة أطفال !!
هههههههههههههههه
((وش جايهم هالعالم على هالفشايل في هالمطاعم))





ولا وحده تستحي من زوجها بالمرة تضايق الزوج وكلم خواته يكلمونها وكلم أم زوجته كذلك المهم أزعجوها امزحي مع زوجك أمزحي والعـبي واضحكي معه قالت ما أقدر المهم طولوا عليها بالكلام
وفي مرة من المرات وهي مع زوجها سبقها زوجها بينزل مع الدرج قالت فرصه امزح معه شوي علشانه مايشوفني المهم دفته مع
الدرج الا وهو في آخر الدرج متشقلب وقاعد يون ويصيح من الألم قالها وش فيك كذا جلست البنية تصيح وتقول كله من أهلك
يقولون امزحي معه وهذي آخرتها
طلعت البنيه جلفه حبتين هههههههههه






ولآ وحده اعرفها اول ايام زواجها تقول كنا طالعين واحتجت الحمام مررررره بس مستحيه اقوله وهو شكله ماعنده نيه يروح لمكان فيه حمامات المهم تقول عجزت اتحمل وجلست افكر باسلوب حلو ما يخرب برستيجي عنده قلت خلاص بقوله
ابغى دورة المياه احسن من كلمة الحمام
تقول وانا ميته من الفشله قلت ابغى اروح (لدورة الحمام) مادريت الا الرجال يضحك ويقول يا عيني على الاتيكيت ههههههههههههههه أمحق اتيكيت





هذي وحده تقول اول ما تزوجت كنت ادرس وكان يوديني زوجي للجامعه وياخذني
المهم انا جالسه انتظره وكنت واقفه في الشارع واشوفه بعد كم سياره المهم جلست استـناه
يوم وصل عندي وانا امشي بغنج الا واطيح ذيك الطيحه طراااااااااااااااااااااخ
جلست على ألارض ما يشوف الا راسي من عند شباكي جالسه اناظره ولا اتحرك
وكان الشارع مليان رجاجيل وبنات
واركب في السياره وهو ميت من الضحك واجلس اصيح قلت ما تعرف تسمي علي
ههههههههههههههههههههه يآنذلهم هالرجآجيل بدآل مايسمي ع حرمته يضحك عليها <<<




ولآ أسمعوآ هالموقف علشْآن تعرفون ان الرجآجيل يتصنعون في دلعهم في اوقات الخطبه
وحدة تقول اول ما تزوجت طحت عند باب المطبخ وانهبل زوجي وبسم الله عليك سلامتك حياتي وبعد مرور سنة طاحت بنفس المكان قالها عمى ما تشوفين




ماتزعلون علينا تراها نكت بس حقيقيه
منقوول
الرجوع الى أعلى الصفحة اذهب الى الأسفل
لمعة الماس
المدير
المدير
avatar

عدد المساهمات : 170
تاريخ التسجيل : 13/04/2008
العمر : 21

مُساهمةموضوع: رد: فقط للبنات لاللتماسيح   الخميس أكتوبر 02, 2008 11:03 am

ههههههههههههههههههههههه
والله في وحدة مت فيها من الضحك
مشكوووووووووووورة
الرجوع الى أعلى الصفحة اذهب الى الأسفل
http://a7la-6ala.yoo7.com
عسولة الخليج

avatar

عدد المساهمات : 76
تاريخ التسجيل : 23/09/2008

مُساهمةموضوع: رد: فقط للبنات لاللتماسيح   الخميس أكتوبر 16, 2008 10:57 am

هههههههههههههههههههههههههه يسلموووووووووووووو بس توحفه صوووووووووووووووووح
الرجوع الى أعلى الصفحة اذهب الى الأسفل
 
فقط للبنات لاللتماسيح
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات أحلى طلة :: مكان فله و ووناسه :: ا ض حك و فـــ رفش-
انتقل الى: